17 сентября 2022 г.
Седмица 14-я по Пятидесятнице. Глас четвертый.
Житье
Сщмч. Вавилы, еп. Великой Антиохии, и с ним трех отроков: Урвана, Прилидиана, Епполония и матери их Христодулы (251).
Прор. Боговидца Моисея (1531 г. до Р. Х.).
Обретение мощей свт. Иоасафа, еп. Белгородского (1911).
Второе обретение мощей свт. Митрофана, еп. Воронежского (1989).
Собор Воронежских святых.
Прпмч. Парфения, игумена Кизилташского м-ря.
Сщмчч. Павла, Иоанна, Николая, Николая, Иоанна, Николая, Александра, Петра и Михаила пресвитеров, прмч. Стефана, мчч. Василия, Петра, Стефана и Александра (1937).
Новосщмчч. Григория (Лебедева), еп. Шлиссельбургского и Сергия (Дружинина), еп. Нарвского (1937).
Мц. Елены (1943).
Мц. Ермионии, дщери ап. Филиппа диакона (ок. 117).
Мч. Вавилы Никомидийского и с ним 84-х отроков (IV).
Мчч. Феодора, Миана, Иулиана и Киона (305-311).
Новомч. Петра метрополита Дабро-Боснийского (1941).
Иконы Божией Матери, именуемой Неопалимая Купина (1680).
Свт. Иоакима, патриарха Александрийского.
Чтение дня
- Иоанна 10:9-16 (на утрене)
- 1 Коринфянам 4:1-5 (рядовое)
- Матфея 23:1-12 (рядовое)
- Евреям 11:33-12:2 (священномученику и пророку)
- Луки 12:32-40 (священномученику и пророку)
- Евреям 7:26-8:2 (святителю)
- Иоанна 10:9-16 (святителю)
Тропари
Сщмч. Вавилы. Тропарь, глас 4.
И нра́вом прича́стник,/ и престо́лом наме́стник Апо́столом быв,/ дея́ние обре́л еси́ богодухнове́нне,/ в виде́ния восхо́д:/ сего́ ра́ди сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Вави́ло,/ моли́ Христа́ Бо́га,/ спасти́ся душа́м на́шым.
Кондак, глас 8.
Я́ко благоче́стия пропове́дника, и страда́льцев утвержде́ние,/ Це́рковь сла́вит тя Вави́ло сла́вне, освеща́ема днесь:/ но я́ко име́я дерзнове́ние ко Го́споду,/ в ми́ре соверше́ннем велича́ющыя и восхваля́ющыя тя,/ сохрани́ти Христу́ моли́ся, о многострада́льне.
Прор. Боговидца Моисея. Тропарь, глас 2.
Проро́ка Твоего́ Моисе́а па́мять, Го́споди, пра́зднующе,/ тем Тя мо́лим,/ спаси́ ду́шы на́ша.
Ин тропарь, глас 2.
На высоту́ доброде́телей возше́л еси́ проро́че Моисе́е:/ и сего́ ра́ди сподо́бился еси́ ви́дети сла́ву Бо́жию,/ скрижа́ли благода́тныя зако́на прия́т/ и начерта́ний благода́ть в себе́ нося́,/ и проро́ков был еси́ честна́я похвала́,/ и благоче́стия вели́кое та́инство.
Кондак пророка, глас 2.
Лик проро́ческий с Моисе́ем и Ааро́ном, весе́лием днесь весели́тся,/ я́ко коне́ц проро́чествия их на нас испо́лнися: днесь сия́ет Крест, и́мже нас спасл еси́./ Тех моли́твами Христе́ Бо́же, поми́луй нас.
Свт. Иоасафа. Тропарь, глас 3.
Святи́телю Христу́ Бо́гу возлю́бленно,/ пра́вило ве́ры и о́браз милосе́рдия лю́дем был еси́,/ бде́нием же, посто́м и моли́твою я́ко свети́льник пресве́тлый просия́л еси́,/ и просла́влен от Бо́га яви́лся еси́:/ те́лом у́бо в нетле́нии почива́я, ду́хом же Престо́лу Бо́жию предстоя́,/ чудеса́ пресла́вная источа́еши./ Моли́ Христа́ Бо́га, да утверди́т нас в Правосла́вии и благоче́стии и спасе́т ду́ши на́ша.
Ин тропарь, глас 2.
Моли́твенниче изде́тска преизря́дный,/ богоизбра́нный святи́телю Христо́в Иоаса́фе,/ пра́вило ве́ры и о́браз милосе́рдия благоче́стным житие́м всем явля́еши/ и с ве́рою к тебе́ притека́ющим оби́льно исцеле́ния источа́еши./ Моли́ Христа́ Бо́га, да утверди́т правове́рие, мир и благоче́стие и спасе́т ду́ши на́ша.
Кондак, глас 8.
Многоразли́чныя по́двиги жития́ твоего́ кто испове́сть?/ многообра́зныя ми́лости Бо́жия тобо́ю явле́нныя кто исчи́слит?/ Дерзнове́ние же твое́ у Пречи́стыя Богоро́дицы и Всеще́драго Бо́га до́бре ве́дуще,/ во умиле́нии серде́чнем зове́м ти:/не лиши́ и нас твоея́ по́мощи и заступле́ния,/ святи́телю Христо́в и чудотво́рче Иоаса́фе.
Иконы Богородицы "Неопалимая Купина". Тропарь, глас 4.
И́же во огни́ купины́ неопали́мыя, дре́вле Моисе́ем ви́денныя,/ та́йну воплоще́ния Своего́ от неискусобра́чныя Де́вы Мари́и Прообразова́вый,/ Той и ны́не я́ко чуде́с Творе́ц и всея́ тва́ри Созда́тель/ ико́ну Ея́ святу́ю чудесы́ мно́гими просла́ви,/ дарова́в ю ве́рным во исцеле́ние неду́гом и в защище́ние от о́гненнаго запале́ния./ Сего́ ра́ди вопие́м Преблагослове́нней:/ наде́ждо христиа́н, от лю́тых бед, огня́ и гро́ма изба́ви на Тя упова́ющия, и спаси́ ду́ши на́ша я́ко милосе́рда.
Ин тропарь, глас 4.
И́же в купине́, огне́м горя́щей и несгора́емей,/ показа́вый Моисе́ови пречи́стую Твою́ Ма́терь, Христе́ Бо́же,/ Огнь Божества́ неопа́льне во чре́ве прии́мшую/ и нетле́нну по Рождестве́ пребы́вшую,/ Тоя́ моли́твами от пла́мене страсте́й изба́ви нас/ и от о́гненных запале́ний град Твой сохрани́,/ я́ко Многоми́лостив.
Кондак, глас 8.
Предочи́стим чу́вствия душ и теле́с на́ших, да ви́дим та́инство Боже́ственное,/ обра́зно явле́нное дре́вле вели́кому во проро́цех Моисе́ю купино́ю, горе́вшею огне́м и не сгара́вшею,/ в не́йже Твоего́ безсе́меннаго Рождества́, Богоро́дице, предвозвеще́ние испове́дуем и, благогове́йно покланя́ющеся Тебе́ и ро́ждшемуся от Тебе́ Спа́су на́шему,/ со стра́хом вопие́м: ра́дуйся, Влады́чице,/ покро́ве, и прибе́жище, и спасе́ние душ на́ших.
Тропарь свт. Митрофану, еп. Воронежскому, глас 4.
Пра́вило ве́ры и о́браз кро́тости / сло́вом и житие́м па́стве твое́й, о́тче смиренному́дре Митрофа́не, был еси́. / Те́мже и во све́тлостех святы́х / со́лнца светле́йше возсия́л еси́, / венце́м нетле́ния и сла́вы украша́емь, / моли́ Христа́ Бо́га / стране́ на́шей и гра́ду твоему́ в ми́ре спасти́ся.
Кондак, глас 8.
Воздержа́нием те́ло ду́ху порабо́тив,/ ду́шу же равноа́нгельну сотвори́в,/ святи́тельскою оде́ялся еси́ оде́ждею, я́ко вене́ц свяще́нства,/ и ны́не, всех Влады́це предстоя́,/ моли́, всеблаже́нне Митрофа́не, умири́ти и спасти́ ду́ши на́ша.