24 сентября 2022 г.
Седмица 15-я по Пятидесятнице. Глас пятый.
Житье
Суббота пред Воздвижением.
Перенесение мощей прпп. Сергия и Германа, Валаамских чудотворцев.
Прп. Феодоры Александрийской (474-491).
Сщмчч. Николая и Виктора пресвитеров (1918).
Сщмч. Карпа пресвитера (1937).
Прп. Силуана Афонского (1938).
Сщмч. Николая диакона (1942).
Мчч. Димитрия, Еванфии, жены его, и Димитриана, сына их (I).
Мчч. Диодора и Дидима, Сирских.
Мц. Ии (Евдокии) и 9-ти тысяч с ней в Персии (362-364).
Прп. Евфросина повара (IX).
Каплуновской иконы Божией Матери (1689).
Мчч. Серапиона, Кронида и Леонтия, Александрийских.
Чтение дня
- Матфея 11:27-30 (на утрене)
- 1 Коринфянам 4:17-5:5 (рядовое)
- Матфея 24:1-13 (рядовое)
- Галатам 5:22-6:2 (преподобному)
- Луки 6:17-23 (преподобному)
- 1 Коринфянам 2:6-9 (субботы пред Воздвижением)
- Матфея 10:37-11:1 (субботы пред Воздвижением)
Тропари
Прп. Феодоры Александрийской. Тропарь, глас 8.
В тебе́ ма́ти изве́стно спасе́ся е́же по о́бразу:/ прии́мши бо крест, после́довала еси́ Христу́,/ и де́ющи учи́ла еси́, презира́ти у́бо плоть, прехо́дит бо,/ прилежа́ти же о души́ ве́щи безсме́ртней:/ те́мже и со Áнгелы сра́дуется, преподо́бная Феодо́ро, дух твой.
Kондак святыя, глас 2.
Те́ло твое́ поста́ми изнури́вши,/ бде́нными моли́твами Творца́ умоли́ла еси́ о гресе́ твое́м,/ я́ко да прии́меши соверше́нное проще́ние:/ и прия́ла еси́ оставле́ние, путь покая́ния показа́вши.
И святаго Автонома кондак, глас 2.
Боже́ственная прему́дре, непоро́чне тайноводи́л еси́,/ же́ртва прия́тная был еси́ богоблаже́нне:/ Христо́ву бо пил еси́ Ча́шу пресла́вне,/ свети́льниче всеми́рный,/ моля́ непреста́нно о всех нас.
Прпп. Сергия и Германа. Тропарь, глас 4.
Ева́нгелия Христо́ва и́стиннии послу́шницы яви́стеся, преподо́бнии,/ мир и вся я́же в нем, я́ко не су́щая преоби́девше любве́ ра́ди Христо́вы, и в морски́й о́стров всели́стеся,/ и трудолю́бно в нем проти́ву ко́зней неви́димых враго́в подвиза́стеся,/ посто́м, бде́нием же и всено́щным стоя́нием/ пло́ти своя́ ду́ху му́дре повину́ли есте́./ Сего́ ра́ди от Вседержи́тельныя десни́цы досто́йныя венцы́ прия́ли есте́./ И ны́не Пресвяте́й Тро́ице предстоя́ще,/ моли́теся, всеблаже́ннии отцы́ Се́ргие и Ге́рмане,/ сохрани́тися в ми́ре оте́честву на́шему/ и спасти́ся душа́м на́шым.
Ин тропарь, глас 1.
От мирски́я молвы́ бе́гающе, безмо́лвия и благоче́стия рачи́тели,/ в ти́хое приста́нище Валаа́ма от восто́ка приидо́сте,/ и в нем ева́нгельски Христу́ доброде́тельми после́довавше, на верх соверше́нства востекли́ есте́./ И ны́не в торжестве́ преми́рнем богозре́нием наслажда́ющиеся,/ всеблаже́ннии отцы́ Се́ргие и Ге́рмане, Человеколю́бца Бо́га моли́те,/ е́же спасти́ всех нас, благоче́стно вас почита́ющих.
Кондак, глас 4.
От мирска́го жития́ изше́дше,/ отверже́нием ми́ра , Христу́ последо́васте, и достиго́сте вели́каго Не́ва е́зера,/ и в нем на о́строве Валаа́ме все́льшеся,/ равноа́нгельное житие́ пожи́ли есте́,/ отону́дуже веселя́щеся прешли́ есте́ к Небе́сным черто́гам./ И ны́не со Áнгелы Влады́чню Престо́лу предстоя́ще,/ помина́йте нас чад свои́х, я́же собра́ли есте́, богому́дрии,/ да ра́достно от души́ вопие́м:/ ра́дуйтеся, Се́ргие и Ге́рмане, отцы́ преблаже́ннии.
Прп. Силуана Афонского. Тропарь, глас 2.
Серафи́мския любве́ ко Го́споду пла́менный ревни́телю,/ и Иереми́и, о наро́де пла́чущему, усе́рдный подража́телю,/ всеблаже́нне о́тче Силуа́не,/ ты зо́ву Ма́тери Го́спода сил вне́мляй, /зми́я грехо́внаго мужему́дренно изрыгну́л еси́,/ и в Го́ру Афо́нскую от суеты́ ми́ра удали́лся еси́,/ иде́же в труде́х и моли́твах со слеза́ми/ благода́ть Свята́го Ду́ха оби́льно стяжа́в,/ е́юже сердца́ на́ша вспламени́ и с тобо́ю уми́льно взыва́ти укрепи́:/ Го́споди мой, Жи́зне моя́ и Ра́досте Свята́я,/ спаси́ мир и нас от вся́ких лю́тых.