12 января 2023 г.
Седмица 31-я по Пятидесятнице. Глас пятый.
Святки. Пост отменяется
Житье
Свт. Макария, митр. Московского (1563).
Мц. Анисии Солунской (285-305).
Сщмч. Зотика пресвитера, сиропитателя (IV).
Новосщмч. протоиерея Сергия Флоринского в Эстонии (1918).
Чтение дня
- Иоанна 10:1-9 (на утрене)
- Иакова 1:19-27
- Марка 11:27-33
- Евреям 7:26-8:2 (святителю)
- Иоанна 10:9-16 (святителю)
Тропари
Сщмч. Зотика. Кондак, глас 2.
За любо́вь Христо́ву, преподо́бне, ни́щия возлюби́в,/ и сих удово́лил еси́,/ и Небе́сное бога́тство ны́не восприя́л еси́, Зо́тике пребога́те./ Сего́ ра́ди вси тя почита́ем,/ соверша́юще па́мять твою́.
Кондак Анисии, глас 4.
Наста́ светоно́сный день чуде́сных по́двиг твои́х, страстоте́рпице пресла́вная,/ днесь Бо́жия честна́я Це́рковь пра́зднует и созыва́ет вопи́ти тебе́:/ ра́дуйся, де́во му́ченице Ани́сие всеблаже́нная.
Свт. Макария, митр. Московского. Тропарь, глас 4.
Я́ко вели́ким па́стырем единонра́вна,/ и учи́телем вселе́нныя единомы́сленна,/ Бо́жия Прему́дрости служи́теля изря́дна,/ и́же блаже́нству тезоимени́ту, днесь, ве́рнии, вси воспои́м:/ Христа́ Бо́га моли́,/ святи́телю Мака́рие,/ умири́ти мир и спасти́ ду́ши на́ша.
Кондак, глас 3.
Богому́дрым уче́нием и кни́жным списа́нием/ потща́лся еси́, святи́телю Мака́рие,/ лю́ди росси́йския просвети́ти/ и святы́х земли́ на́шея просла́вити./ Сего́ ра́ди чу́ден пронарече́ся,/ прее́мниче первопресто́льников росси́йских,/ моли́ сохрани́тися нам в ве́ре и благоче́стии невреди́мо.
Обрет. мощей прп. Даниила Переяславского. Тропарь прп. Даниилу, глас 3.
От ю́ности, блаже́нне, всего́ себе́ Го́сподеви возложи́в,/ вы́ну повину́яся Бо́гу,/ проти́вяся же диа́волу,/ над страстьми́ грехо́вными воцари́лся еси́,/ тем сам храм Бо́жий быв,/ и оби́тель кра́сну во сла́ву Пресвяты́я Тро́ицы воздви́гнув/ и со́бранное тобо́ю в ней ста́до Христо́во Богоуго́дно упа́сши,/ преста́вился еси́ к ве́чным оби́телем,/ о́тче Дании́ле,/ моли́ Триипоста́снаго во еди́ном Существе́ Бо́га спасти́ся душа́м на́шим.
Кондак, глас 1.
От позна́ния себе́ прише́д в позна́ние Бо́га/ и благоче́стием к Нему́ восприи́м нача́ло чу́вства вну́тренняго,/ ра́зум свой плени́л в послуша́ние ве́ры;/ тем и, по́двигом до́брым подвиза́вся,/ дости́гнул еси́ в ме́ру во́зраста соверше́нна исполне́ния Христо́ва,/ я́ко Бо́жие тяжа́ние, Бо́жие зда́ние, де́лал еси́ бра́шно, не ги́блющее,/ но бра́шно, пребыва́ющее в живо́т ве́чный./ Да бу́дут единоду́шно вси насажде́ние Госпо́дне в сла́ву,/ моли́, блаже́нне, Еди́наго Человеколю́бца Бо́га.