24 января 2023 г.
Седмица 33-я по Пятидесятнице. Глас седьмый.
Житье
Прп. Феодосия Великого, общих житий начальника (529).
Прп. Михаила Клопского, Новгородского (ок. 1453-1456).
Сщмчч. Николая, Феодора и Владимира пресвитеров (1919).
Св. Владимира исп., пресвитера (1932).
Прп. Феодосия Антиохийского (ок. 412).
Елецкой иконы Божией Матери (1060).
Свв. Феодора и Агапия архим.
Чтение дня
- Луки 6:17-23 (на утрене)
- Иакова 3:1-10
- Марка 11:11-23
- 2 Коринфянам 4:6-15 (преподобному)
- Матфея 11:27-30 (преподобному)
Тропари
Прп. Феодосия Великого, общих житий начальника. Тропарь, глас 8.
Слез твои́х тече́ньми пусты́ни безпло́дное возде́лал еси́,/ и и́же из глубины́ воздыха́ньми во сто трудо́в уплодоноси́л еси́,/ и был еси́ свети́льник вселе́нней,/ сия́я чудесы́, Феодо́сие о́тче наш,/ моли́ Христа́ Бо́га спасти́ся душа́м на́шим.
Кондак, глас 8.
Насажде́н во дво́рех Го́спода твоего́,/ преподо́бными твои́ми доброде́тельми красно́ процве́л еси́/ и умно́жил еси́ ча́да твоя́ в пусты́ни,/ слез твои́х ту́чами напая́емая,/ стадонача́льниче Бо́жий Боже́ственных дворо́в./ Те́мже зове́м: ра́дуйся, о́тче Феодо́сие.
Прп. Михаила Клопского, Новгородского. Тропарь, глас 8.
И́же на земли́ Христа́ ра́ди во́лею в бу́йство преложи́вся,/ ми́ра сего́ красоты́ отню́д возненави́дел еси́/ и, плотска́я игра́ния увяди́в посто́м и жа́ждею и на земли́ лега́нием,/ от зно́я же и сту́дени, от дождя́ и сне́га/ и от про́чия возду́шныя тя́гости никогда́ же уклони́лся еси́,/ ду́шу же очи́стил еси́ доброде́тельми, я́ко зла́то в горни́ле,/ о́тче преподо́бне Богоно́сне Михаи́ле,/ и ны́не на Небесе́х предстои́ши престо́лу Пресвяты́я Тро́ицы./ Но я́ко име́я дерзнове́ние мно́гое,/ мо́ли Христа́ Бо́га спасти́ся душа́м на́шим.
Кондак, глас 8.
Ду́ха Свята́го си́лою уподо́бился еси́ Богоглаго́ливым дре́вним проро́ком,/ сказа́в безве́стная и та́йная и е́же го́де судьба́м Бо́жиим в сбытие́,/ и и́на мно́га чудеса́ о Христе́ сотвори́в,/ и лю́ди удиви́в, торжествова́ти устро́ил еси́ вопию́щия:/ сла́ва Бо́гу, прославля́ющему святы́я Своя́.
Елецкой иконы Богородицы. Тропарь, глас 4.
Днесь све́тло красу́ется дре́вний град Еле́ц,/ помина́юще сла́вное чу́до Пресвяты́я Богоро́дицы:/ егда́ бо на сто́гнах Первопресто́льныя Москвы́/ ико́ну Ея́ чу́дную лю́дие моско́встии срета́ху,/ тогда́ Сама́, Влады́чице, на горе́ Аргама́чстей во гра́де Ельце́,/ на сре́тение нечести́вому Тамерла́ну изше́дше,/ гро́зное его́ наше́ствие вспять обрати́./ Сего́ ди́внаго явле́ния изображе́ние на новопи́санней ико́не зря́ще/ и Засту́пницу на́шу за вся благодея́ния Ея́ благодаря́ще,/ уми́льно Ей взыва́ем:/ и в пре́дняя не оста́ви нас, о Ма́ти Милосе́рдая.