Седмица 2-я предуготовительная. Глас вторый.
Житье
Предпразднство Сретения Господня
Мч. Трифона (250).
Новомч. иерея Петра (Скипетрова) (1918).
Чтение дня
- 1 Иоанна 3:11-20
- Марка 14:10-42
- За среду1 Иоанна 3:21-4:6
- Марка 14:43-15:1
Тропари
Mч. Трифона. Тропарь, глас 4.
Му́ченик Твой, Го́споди, Три́фон,/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами/ спаси́ ду́ши на́ша.
Ин тропарь мч. Трифона, глас 4.
Пи́щи Боже́ственныя, треблаже́нне,/ наслажда́яся на Небесе́х неоску́дно,/ сла́вящих пе́сньми па́мять твою́ покры́й/ и сохрани́ от вся́кия ну́жды,/ отжени́ вредя́щих ни́вам живо́тных,/ да тебе́ от любве́ вопие́м всегда́:/ ра́дуйся, Три́фоне, му́чеников укрепле́ние.
Кондак мученика, глас 8.
Тро́йческою тве́рдостию/ многобо́жие разруши́л еси́ от коне́ц, всесла́вне,/ че́стен во Христе́ быв, и, побе́див мучи́тели во Христе́ Спаси́теле,/ вене́ц прия́л еси́ му́ченичества твоего́/ и дарова́ния Боже́ственных исцеле́ний,/ я́ко непобеди́мь.
Предпразднство Сретения Господня. Тропарь, глас 1.
Небе́сный лик Небе́сных Áнгел,/ прини́к на зе́млю, прише́дше зрит я́ко Младе́нца,/ носи́ма к хра́му. Перворожде́нна всея́ тва́ри от Ма́тере Неискусому́жныя,/ предпра́зднственную у́бо с на́ми пою́т песнь, ра́дующеся.
Кондак, глас 6.
Со Отце́м Сло́во Сый неви́димо,/ ны́не у́бо ви́дим есть пло́тию:/ неизрече́нно от Де́вы роди́ся/ и на ру́ку ста́рчу дае́тся святи́телю./ Поклони́мся Тому́/ и́стинному Бо́гу на́шему.