Неделя об изгнании Адама из рая (сыропустная). Глас четвертый.
Неделя сыропустная. Из трапезы исключается мясо
Житье
Прп. Мартиниана (V).
Сщмчч. Василия и Гавриила пресвитеров (1919).
Новосщмч. Сильвестра (Ольшевского), архиеп. Омского и Павлодарского (1920).
Сщмч. Зосимы, Николая, Василия, Иоанна, Леонтия, Владимира, Парфения, Иоанна, Иоанна, Михаила пресвитеров и Евгения диакона, прмцц. Анны, Веры и Ирины, мч. Павла (1938).
Свт. Серафима (Соболева), архиеп. Богучарского (1950).
Прпп. Зои и Фотинии (Светланы) (V).
Прп. Евлогия, архиеп. Александрийского (607-608).
Прп. Стефана, в иночестве Симеона, царя Сербского, мироточивого (1200).
Собор святых Омской митрополии.
Св. Мартина Милостивого.
Чтение дня
- Луки 24:1-12 (на утрене. Евангелие 4-e)
- Римлянам 13:11-14:4
- Матфея 6:14-21
Тропари
Кондак Недели сыропустной, глас 6.
Прему́дрости Наста́вниче, смы́сла Пода́телю,/ нему́дрых Наказа́телю и ни́щих Защи́тителю,/ утверди́, вразуми́ се́рдце мое́, Влады́ко:/ Ты даждь ми сло́во, Óтчее Сло́во,/ се бо устне́ мои́ не возбраню́,/ во е́же зва́ти Тебе́: Ми́лостиве, поми́луй мя, па́дшаго.
Тропарь воскресный, глас 4.
Све́тлую Воскресе́ния про́поведь/ от Áнгела уве́девша Госпо́дни учени́цы/ и пра́деднее осужде́ние отве́ргша,/ апо́столом хва́лящася глаго́лаху:/ испрове́ржеся сме́рть,/ воскре́се Христо́с Бог,/ да́руяй ми́рови ве́лию ми́лость.
Богородичен, глас тойже.
Éже от ве́ка утае́нное,/ и Áнгелом несве́домое та́инство,/ Тобо́ю, Богоро́дице, су́щим на земли́ яви́ся Бог,/ в несли́тном соедине́нии воплоща́емь,/ и Кре́ст во́лею нас ра́ди восприи́м,/ И́мже воскреси́в первозда́ннаго,/ спасе́ от сме́рти ду́ши на́ша.
Кондак, глас тойже.
Спас и Изба́витель мой/ из гро́ба, яко Бог,/ воскреси́ от уз земноро́дныя,/ и вра́та а́дова сокруши́,/ и я́ко Влады́ка воскре́се тридне́вен.
Прп. Мартиниана Палестинского. Тропарь, глас 8.
Пла́мень искуше́ний слез тече́ньми погаси́л еси́, блаже́нне,/ и, морска́я волне́ния, и звере́й стремле́ния обузда́вый, взыва́л еси́:/ препросла́влен еси́, Всеси́льне, огня́ и бу́ри спасы́й мя.
Кондак, глас 2.
Я́ко подви́жника благоче́стия иску́сна,/ и страда́льца произволе́нием честна́го,/ и пусты́ни жи́теля и все́льника,/ в пе́снех досто́йно восхва́лим Мартиниа́на присночестна́го:/ той бо зми́я попра́.
Прп. Стефана, в иночестве Симеона, царя Сербского, мироточивого. Тропарь, глас 3.
Боже́ственною благода́тию просвети́вся,/ и по сме́рти показу́еши све́тлость жития́ твоего́,/ источа́еши бо ми́ро благоуха́ния/ притека́ющим к ра́це моще́й твои́х,/ и лю́ди твоя́ наста́вил еси́ к све́ту Богоразу́мия,/ Симео́не о́тче наш,/ Христа́ Бо́га моли́/ дарова́ти нам ве́лию ми́лость.
Кондак, глас 6.
Áнгельское возлюби́в на земли́ житие́,/ миродержа́ние и мир оста́вив,/ поще́нием Христу́, Симео́не, после́довал еси́,/ к Нему́же лю́бящих тя апо́стольски наста́вил еси́, вопия́:/ возлюби́те Бо́га, я́коже Он возлюби́ нас.