14 марта 2023 г.
3-я седмица Великого поста. Глас шестый.
Великий пост. Монастырский устав: горячая пища без масла
Житье
Прмч. Евдокии (ок. 160-170).
Прмц. Ольги (1937).
Чтение дня
- Исаии 9:9-10:4 (на 6-м часе)
- Бытие 7:1-5 (на вечерне)
- Притчи Соломона 8:32-9:11 (на вечерне)
Тропари
Прмч. Евдокии. Тропарь, глас 8.
Пра́востию у́мною ду́шу твою́ привяза́вши в любо́вь Христо́ву,/ тле́нных, и кра́сных, и вре́менных забы́тием претекла́ еси́,/ я́ко Сло́ва учени́ца:/ поще́нием стра́сти пе́рвее умертви́вши,/ страда́льчески второ́е врага́ посрами́ла еси́./ Тем Христо́с сугу́бых венца́ сподо́би тя,/ сла́вная Евдоки́е, преподо́бная страстоте́рпице,/ моли́ Христа́ Бо́га спасти́ся душа́м на́шим.
Кондак, глас 4.
Во страда́нии твое́м до́бре подвиза́вшися,/ и по сме́рти нас освяща́еши чуде́с излия́нии, всехва́льная,/ ве́рою прибега́ющия в Боже́ственную це́рковь твою́,/ и, торжеству́юще, мо́лим тя, преподо́бная му́ченице Евдоки́е:/ да изба́вимся неду́г душе́вных и чуде́с благода́ть почерпе́м.
Прп. Мартирия Зеленецкого. Тропарь, глас 2.
От ю́ности, Богоблаже́нне, Христа́ возлюби́в,/ оте́чество оста́вил еси́/ и, всех мирски́х мяте́жей уклони́вся,/ в ти́хое приста́нище пречестны́я оби́тели Богома́терни дости́гл еси́:/ отню́дуже уве́дев непрохо́дную пусты́ню,/ крестови́дною заре́ю пока́занную,/ жела́тельне ю обре́л еси́,/ и, в ней всели́вся,/ и́ночествующих собра́л еси́,/ и сих уче́ньми свои́ми, я́ко ле́ствицею восхо́дною на Не́бо,/ трудолю́бно тща́лся еси́ возводи́ти к Бо́гу,/ Ему́же моли́ся, Богому́дре Марти́рие,/ дарова́ти душа́м на́шим ве́лию ми́лость.
Кондак, глас 8.
Оте́чества, преподо́бне, и всего́ мирска́го мяте́жа уклони́тися возжеле́л еси́,/ и, в пусты́ню всели́вся,/ та́мо во блаже́ннем безмо́лвии жесто́кое житие́ показа́л еси́,/ и ча́да послуша́ния и смире́ния в нем возрасти́л еси́./ Сего́ ра́ди, дерзнове́ние стяжа́в ко Святе́й Тро́ице,/ е́же моли́тися, Богоблаже́нне, о нас, ча́дех свои́х, и́хже собра́л еси́,/ и о всех правове́рных, да зове́м ти:/ ра́дуйся, о́тче Марти́рие, безмо́лвия пусты́ннаго люби́тель.