6 июня 2023 г.
Седмица 1-я по Пятидесятнице. Глас седьмый.
Сплошная седмица. Пост отменяется
Житье
Прп. Симеона столпника на Дивной горе (596).
Прп. Никиты, столпника Переславльского (1186).
Блж. Ксении Петерсбургской (прославление 1988).
Мчч. Мелетия Стратилата, Стефана, Иоанна и с ними 1218 воинов с женами и детьми (ок. 218).
Прп. Викентия Леринского (до 450).
Свт. Григория, архиеп. Новгородского.
Чтение дня
- Римлянам 1:1-7, 13-17
- Матфея 4:25-5:13
Тропари
Тропарь праздника Пятидесятницы, глас 8.
Благослове́н еси́, Христе́ Бо́же наш,/ И́же прему́дры ловцы́ явле́й,/ низпосла́в им Ду́ха Свята́го,/ и те́ми уловле́й вселе́нную,/ Человеколю́бче, сла́ва Тебе́.
Кондак, глас 8.
Егда́ снизше́д язы́ки слия́,/ разделя́ше язы́ки Вы́шний,/ егда́ же о́гненныя язы́ки раздая́ше,/ в соедине́ние вся призва́;/ и согла́сно сла́вим Всесвята́го Ду́ха.
Прп. Симеона столпника на Дивной горе. Тропарь, глас 1.
Пусты́нный жи́тель, и в телеси́ Áнгел,/ и чудотво́рец яви́лся еси́, Богоно́се, о́тче наш Симео́не,/ посто́м, бде́нием, моли́твою Небе́сная дарова́ния прии́м,/ исцеля́еши неду́жныя и ду́ши ве́рою притека́ющих ти./ Сла́ва Да́вшему тебе́ кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.
Кондак, глас 2.
Вы́шняя жела́я, до́льная отложи́в,/ и, я́ко не́бо, столп соде́лавый,/ тем облиста́л еси́ чуде́с заре́ю, преподо́бне,/ и Христу́, всех Бо́гу, мо́лишися непреста́нно о всех нас.
Прп. Никиты, столпника Переславльского. Тропарь, глас 4.
Правосла́вным смы́слом ю́ношская возжеле́ния возненави́дев/ и до́блественныя нра́вы восприи́м, врага́ победи́л еси́,/ и во благоразу́мии Бо́гу угоди́л еси́,/ и свы́ше от Него́ прие́м дар чуде́с,/ бе́сы прогоня́ти, неду́ги исцеля́ти,/ Ники́то пресла́вне,/ моли́ Христа́ Бо́га, да спасе́т ду́ши на́ша.
Ин тропарь, глас тойже.
Христо́ву му́ченику тезоимени́т был еси́, преподо́бне,/ мно́ги по́двиги и труды́ претерпе́л еси́ Христа́ ра́ди,/ Его́же ра́ди вери́ги носи́л еси́, блаже́нне,/ Того́ ны́не о нас моли́, Ники́то преподо́бне,/ душе́вныя на́ша и теле́сныя стра́сти уврачева́ти,/ и́же ве́рою и любо́вию/ почита́ющих при́сно па́мять твою́.
Кондак, глас 8.
Xриста́ ра́ди от твои́х рабо́в ну́ждную смерть претерпе́л еси́/ и вене́ц нетле́ния от Него́ восприя́л еси́,/ приходя́щим же с ве́рою от честна́го твоего́ гро́ба подае́ши цельбы́,/ о Ники́то преподо́бне,/ моли́твенниче о душа́х на́ших.