22 января 2023 г.
Неделя 32-я по Пятидесятнице, по Богоявлении. Глас седьмый.
Житье
Мч. Полиевкта (259).
Свт. Филиппа, митр. Московского и всея России, чудотворца (1569).
Св. Ионы (в схиме Петра) основателя киевского Свято-Троицкого монастыря (1902).
Сщмч. Павла пресвитера (1943).
Прор. Самея (X в. до Р. Х.).
Свт. Петра, еп. Севастии Армянской (IV).
Прп. Евстратия чудотворца (IX).
Св. Адриана Кентерберийского (709) (Кельт. и Брит., Греч.).
Чтение дня
- Иоанна 21:1-14 (на утрене. Евангелие 10-e)
- Евреям 13:17-21 (святителю)
- Иоанна 10:9-16 (святителю)
- Ефесянам 4:7-13 (недели по Богоявлении)
- Матфея 4:12-17 (недели по Богоявлении)
Тропари
Тропарь воскресный, глас 7.
Разруши́л еси́ Кресто́м Твои́м сме́рть,/ отве́рзл еси́ разбо́йнику рай,/ мироно́сицам плач преложи́л еси́,/ и апо́столом пропове́дати повеле́л еси́,/ я́ко воскре́сл еси́, Христе́ Бо́же,/ да́руяй ми́рови/ ве́лию ми́лость.
Богородичен, глас тойже.
Я́ко на́шего воскресе́ния сокро́вище,/ на Тя наде́ющияся, Всепе́тая,/ от ро́ва и глубины́ прегреше́ний возведи́;/ Ты бо пови́нныя греху́ спасла́ еси́,/ ро́ждшая Спасе́ние на́ше;/ Я́же пре́жде рождества́ Де́ва, и в рождестве́ Де́ва,/ и по рождестве́ паки пребыва́еши Де́ва.
Кондак, глас тойже.
Не ктому́ держа́ва сме́ртная/ возмо́жет держа́ти челове́ки:/ Христо́с бо сни́де, сокруша́я и разоря́я си́лы ея́;/ связуе́м быва́ет ад,/ проро́цы согла́сно ра́дуются,/ предста́, глаго́люще, Спас су́щим в ве́ре:/ изыди́те, ве́рнии, в воскре́сение.
Тропарь Полиевкту, глас 4.
Му́ченик Твой, Го́споди, Полие́вкт,/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами/ спаси́ ду́ши на́ша.
Кондак, глас 4.
Спа́су прикло́ншу во Иорда́не главу́,/ сокруши́шася змие́в главы́./ Полие́вктова же глава́ отсе́кшаяся/ льсти́ваго посрами́.
Свт. Филиппа, митр. Московского и всея России, чудотворца. Тропарь, глас 8.
Первопресто́льников прее́мниче, сто́лпе Правосла́вия,/ и́стины побо́рниче, но́вый испове́дниче, святи́телю Фили́ппе,/ положи́вый ду́шу за па́ству твою́,/ те́мже я́ко име́я дерзнове́ние ко Христу́,/ моли́ за град же и лю́ди, чту́щия досто́йно святу́ю па́мять твою́.
Кондак, глас 3.
Правосла́вия наста́вника и и́стины провозве́стника,/ Златоу́стаго ревни́теля,/ Росси́йскаго свети́льника, Фили́ппа прему́драго восхва́лим,/ пи́щею слове́с свои́х разу́мно ча́да своя́ пита́юща,/ той бо язы́ком хвале́ние поя́ше,/ устна́ма же пе́ние веща́ше,/ я́ко таи́нник Бо́жия благода́ти.