10 июня 2023 г.
Отдание праздника Пятидесятницы. Глас седьмый.
Сплошная седмица. Пост отменяется
Житье
Прп. Никиты исп., еп. Халкидонского (IX).
Свт. Игнатия, еп. Ростовского (1288).
Прп. Елены Дивеевской (1832).
Прмч. Макария, Дионисия, сщмч. Николая диакона, мчч. Игнатия и Петра (1931).
Св. Ираклия, исп (1936).
Прмц. Гермогены (1942).
Св. Геронтия, митр. Московского (1489).
Сщмч. Евтихия, еп. Мелетинского (I).
Мч. Еликониды (244).
Свт. Германа, еп. Парижского (576) (Галл.).
Сщмч. Елладия еп. (VI-VII).
Никейской (304), Чухломской (Галичской) (1350), Орловской, Антиохийской и Умиление икон Божией Матери.
Новомч. Димитрия (1794) (Греч.).
Чтение дня
- Римлянам 1:7-12
- Матфея 5:42-48
Тропари
Тропарь праздника Пятидесятницы, глас 8.
Благослове́н еси́, Христе́ Бо́же наш,/ И́же прему́дры ловцы́ явле́й,/ низпосла́в им Ду́ха Свята́го,/ и те́ми уловле́й вселе́нную,/ Человеколю́бче, сла́ва Тебе́.
Кондак, глас 8.
Егда́ снизше́д язы́ки слия́,/ разделя́ше язы́ки Вы́шний,/ егда́ же о́гненныя язы́ки раздая́ше,/ в соедине́ние вся призва́;/ и согла́сно сла́вим Всесвята́го Ду́ха.
Прп. Никиты исп., еп. Халкидонского. Тропарь, глас 4.
Пра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́,/ Я́же веще́й и́стина./ Сего́ р́ади стяжа́л еси́ смире́нием высо́кая,/ нището́ю бога́тая,/ о́тче Ники́то,/ моли́ Христа́ Бо́га/ спасти́ся душа́м на́шим.
Кондак, глас 8.
Све́тлостию дел твои́х просия́л еси́, преподо́бне,/ апо́стольскаго престо́ла насле́дник был еси́, Ники́то,/ и, я́ко со́лнце, облиста́л еси́ твое́й па́стве, о́тче,/ вся Боже́ственных уче́ний испо́лнь./ Те́мже зове́м ти:/ ра́дуйся, Халкидо́ну удобре́ние.
Свт. Игнатия, еп. Ростовского. Тропарь, глас 4.
Благове́рия просве́щся уче́нии,/ святи́тельства прие́м па́ству/ и апо́столов насле́дник быв,/ тем прия́л еси́ от Бо́га дар чуде́с, святи́телю о́тче Игна́тие,/ моли́ Христа́ Бо́га,/ да спасе́т ду́ши на́ша.
Кондак, глас 4.
Яви́ся днесь пресве́тлая па́мять твоя́,/ святи́телю преблаже́нне Игна́тие,/ в ми́ре све́тло сия́ющи и явля́ющи всем Боже́ственное сия́ние.
Никейской иконы Богородицы. Тропарь, глас 4.
Бысть чре́во Твое́ свята́я трапе́за,/ иму́щи Небе́снаго Хле́ба, Христа́,/ от Него́же всяк яды́й не умира́ет,/ я́коже рече́ вся́ческих,/ Богоро́дице, Пита́тель.
Кондак, глас 6.
Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́ я́ко Блага́я на по́мощь нас,/ ве́рно зову́щих Ти:/ ускори́ на моли́тву и потщи́ся на умоле́ние,/ предста́тельствующи при́сно, Богоро́дице, чту́щих Тя.
Иконы Богородицы "Умиление". Тропарь, глас 4.
К Богоро́дице со умиле́нием припаде́м,/ вси грехми́ обремене́ннии,/ чудотво́рную Ея ико́ну Умиле́ние облобыза́юще/ и вопию́ще со слеза́ми:/ Влады́чице, приими́ моле́ние недосто́йных раб Твои́х/ и пода́ждь нам, прося́щим,/ ве́лию Твою́ ми́лость.
Св. Геронтия, митр. Московского. Тропарь, глас 6.
Днесь душа́ вс́яка весели́тся/ на па́мять успе́ния святи́теля Христо́ва Геро́нтия,/ прему́дрости ревни́теля/ и кро́тости учи́теля,/ смире́нию наказа́теля,/ уче́нием Боже́ственных слове́с ве́рныя наслади́вшаго./ Ру́сскаго митрополи́та похва́лим,/ святи́тельства па́ству прии́мшаго,/ украси́вшаго Це́рковь Христо́ву./ Тем и Христо́с ви́дя твое́ благопроизволе́ние,/ причте́ тя в лик пра́ведных,/ святи́телю Геро́нтие,/ моли́ Христа́ Бо́га и Пречи́стую Богоро́дицу/ непреста́нно о всех нас.
Кондак, глас 2.
Бо́жиим Ду́хом и́ночество вожделе́/ и восприя́ Ду́ха Свята́го благода́тию,/ и святи́тельства са́на сподо́бился еси́,/ содержа́ще престо́л Ру́сския Митропо́лии,/ и бысть па́стырь и учи́тель от ро́да ру́сскаго,/ пасы́й ста́до Христо́во слове́сных ове́ц,/ и обре́те благода́ть от Го́спода, Геро́нтие святи́телю,/ Ему́же всегда́ о нас непреста́нно моли́ся,/ спасти́ся душа́м на́шим.